By Kenneth Altobello 
Handa nang simulan ni Chaeryeong ang bagong yugto ng kanyang career. Opisyal na magde-debut bilang solo artist ang miyembro ng ITZY sa Nobyembre 2026.
Kinumpirma ng JYP Entertainment na kasalukuyang naghahanda si Chaeryeong ng ITZY para sa kanyang unang solo project, na nakatakdang ilabas ngayong Nobyembre.
Siya ang magiging ikatlong miyembro ng ITZY na magde-debut bilang solo artist, kasunod nina Yeji at Yuna.
Nag-debut si Chaeryeong kasama ang ITZY noong 2019 at mula noon ay nakilala siya dahil sa kanyang mahusay na dancing skills at malakas na stage presence. Sa kanyang paparating na solo debut, magkakaroon naman siya ng pagkakataong ipakita ang mas personal at sariling musical identity.
Wala pang inilalabas na detalye tungkol sa pamagat ng album, mga kanta o concept ng kanyang debut, ngunit nagsimula na rin ang paghahanda para sa kanyang music video.
Habang papalapit ang Nobyembre, may panibagong exciting release na naman na maaaring abangan ng MIDZY bago matapos ang taon.